推薦： 🍉🍉🍉🍉 (4/5)    

味道： 🍉🍉🍉🍉 (4/5)    

價錢： 🍉🍉🍉🍉 (4/5)    

打卡： 🍉🍉🍉 (3/5)    

位置： 🍉🍉🍉 (3/5)   

回訪： 🍉🍉🍉🍉🍉 (5/5)    

聽講屯門開咗由藍帶師傅主理嘅cafe，有出爐Bagel、Scone等等，呢類cafe喺屯門唔多常見，所以就去咗佢哋幾款pastries試吓😋

原味 Plain bagel $20 🍉🍉🍉🍉🍉

比一般plain bagel甜，個甜度似係落左提子乾咁上下，未食已經聞到好香，咬落好煙韌，就算唔加任何配料都唔會「寡」，而且價錢亦都唔算貴，絕對會再回購！

十勝紅豆白玉抹茶bagel $36 🍉🍉🍉🍉

第一個感覺就係白玉超多！ 好似十環條鏈成個bagel形都有白玉，紅豆蓉好香，無乜顆粒感，抹茶味雖然唔太濃，但係整體嚟講都算唔錯👍不過因為呢款貴過plain bagel $16，相比之下我就會比較推薦plain bagel

Lotus咖啡bagel $34 🍉🍉🍉

同白玉一樣，bagel內嘅Lotus 餅份量都幾多，而且食落都唔算太甜，唯一扣分就係個bagel雖然聞落有咖啡香但食落無乜啡味，如果啡味可以再濃郁啲就更好啦！

 

焦糖香蕉鬆餅 $28 🍉🍉🍉

未食已經聞到超香蕉味，不過食落又無乜蕉味😂 我本身估計焦糖+香蕉呢個組合應該會超級甜，點知完全唔會，焦糖嘅甜度恰到好處，配合muffin內嘅nuts，鬆軟得嚟有咬口，不過因為食落唔太有蕉味，所以扣咗少少分

十勝紅豆抹茶鬆餅 $28 🍉🍉🍉🍉🍉

作為綠茶迷，第一啖食落口已經超愛，抹茶味超濃郁，有些微回甘，同bagel嘅紅豆蓉唔同，紅豆粒，食落有顆粒感，硬硬哋，增加口感，食落會有少少似朱古力粒😍絕對會回購！

泰式奶茶scone $26 🍉🍉

scone嘅質感係好食嘅，好鬆軟，但係可惜唔似泰式奶茶味，無泰奶個種好標誌性嘅香味，呢個就相對比較失色

後記

💟 Bagel買4件有88折

💟 當日買完之後店員有同我講有預訂服務~

📍 Bougel Cafe

地址：屯門屯利街1號華都花園商場地下4號舖