推薦： 🍉🍉🍉🍉 (4/5)      

味道： 🍉🍉🍉🍉 (4/5)      

價錢： 🍉🍉🍉 (3/5)      

打卡： 🍉 (1/5)        

位置： 🍉🍉🍉🍉 (4/5)      

回訪： 🍉🍉🍉🍉 (4/5)     

「極上和牛吃到飽」套餐 晚市正價時段$328

湯底

食過咁多次，都差唔多試哂佢啲湯底，我自己就覺得紅燒牛骨鍋最正🐮淨係個湯底都超多料，個湯底會愈滾愈濃味，啱哂食索湯嘅餸😆

P.S. 如果叫完麻辣湯底覺得唔夠辣嘅話╴可以叫店員加辣咖~

食材

呢個餐有附送每位2粒澳洲M9和牛牛丸，真係一咬就明顯感受到同普通牛丸嘅分別😍 牛丸非常彈牙，一咬就爆哂啲肉汁出嚟，淨係呢粒牛丸都值得叫呢個餐🤤 而且呢個餐嘅肉質都比其餘2個餐好好多，真係會見到有雪花紋同食得出有牛肉味👍 

牛大人其中一樣優點就係佢有好多好特別嘅餸提供e.g. 花枝漿、台式蛋餃、手工大黑輪等等，都係其他火鍋店未必有嘅餸🤤

小食&飲品

平時買一條台灣腸嚟食可能都10幾20蚊，呢度有得任叫，真係每次都食番4,5碟先走😂 另外想推薦俾大家嘅就係糖醋甜不辣！一開始等水滾未有嘢食嘅時候叫番碟嚟食，酸酸哋超開胃！😆

飲品我自己平時最鐘意飲白桃烏龍，好refreshing，仲會飲到少少回甘，同式飲品店20幾蚊一杯嘅質素有得揮，食到中途解膩一流👍 今次特別試咗呢杯台灣直送嘅強波酸啤，第一次飲咁酸嘅啤酒，果味好香，飲到微微柑橘味，好輕盈，飲哂成杯都唔會覺得好heavy👍🏻

比起其他台式火鍋店，牛大人嘅價錢唔算太貴，食物同飲品選擇好多，質素又有保證，真係一個月就同朋友食一次咁濟😂

後記 

💟 衣家Openrice都有得book位啦 

  

📍牛大人 

地址：荃灣眾安街55號大鴻輝(荃灣)中心16樓