[香港/尖沙咀] 食到正宗韓國風味嘅李家

推薦：🍉🍉🍉🍉        味道：🍉🍉🍉🍉             價錢：🍉🍉🍉 

打卡：🍉🍉🍉             回訪：🍉🍉🍉🍉   

又嚟到介紹韓國嘢食嘅時間啦，今次介紹呢間「李家」應該係我暫時喺香港食過最貼近韓國口味嘅韓國餐廳，唔知有無人都同我一樣覺得韓國嘢都係夜晚食有feel啲呢? 

半半炸雞 (半原味/半甜辣) $168 🍉🍉🍉🍉

一上枱就知係即炸嘅，我哋叫咗原味&甜辣味，每一嚿都好juicy，肉汁一咬就出哂嚟，而且雞肉好嫩，韓式炸雞好食嘅點就係就算炸完，每嚿雞都好嫩口好多肉汁，真係好想知佢哋有咩秘訣😂😂原味嘅雞比甜辣個款乾少少，無咁多肉汁，而甜辣味就略嫌醬汁唔夠多，有啲位會無醬🙈

切開嘅位令雞骨嚿嚿都三尖八角，同埋每件雞都好大嚿，食嘅時候唔係好方便，如果有「無骨」選擇就更加好啦😍😍

酥炸魷魚鬚配年糕湯套餐 $158 🍉🍉🍉🍉

炸魷魚鬚超足料，一夾起就見到係原隻炸，有3隻咁多😂炸衣唔厚，而且食落唔韌，不過油偏多🙈

年糕湯只有年糕同魚糕，我自己就係期待食呢款嘅辣年糕，因為韓國嘅辣炒年糕就應該係得辣年糕同魚糕，唔洗又有蛋又芽菜又紅蘿蔔咁多配料，食得出糖漿落得相對比較多，所以食落好好食 (因為甜甜哋，同埋唔辣)，但係我個人就鐘意辣啲嘅年糕，同埋用衣家韓國好流行嘅長條型年糕就仲正啦😆😆

後記

💟 每樣食物都非常大碟，兩個人嚟食share一碟嘢食已經夠飽，如果星期六日都有午餐菜單/提供唔同份量嘅選擇就更好啦

📍 李家

地址：尖沙咀山林道54-56號利雅商業大廈地下2號舖