[香港/尖沙咀] 台灣麻辣拌麵實體店 KiKi麵店

推薦：🍉🍉🍉 (3/5)                 味道：🍉🍉🍉  (3/5)           

價錢：🍉🍉 (2/5)                       打卡：🍉🍉🍉  (3/5)                       

位置：🍉🍉🍉🍉(4/5)             回訪：🍉🍉🍉 (3/5)        

幾年前岩岩興起台式麻辣拌麵嘅時候，市面上選擇唔多，大概最出名嘅就係kiki拌麵，當時網購呢件事未流行，甚至連喺台灣都唔係周圍可以買到，一係網購，一係去佢office買，好想試吓呢隻拌麵嘅我忍唔住等到去台灣旅行嘅時候，同媽媽一齊拖住架師奶買餸車，去佢個office掃貨😂一包麵，一包辣油，撈埋嚟食已經回味無窮😋幾年間，拌麵選擇多咗好多，周圍都買到，連kiki拌麵都喺香港開咗實體店啦，前排就去咗試下有無咩特別😛

套餐 $128 🍉🍉🍉

川味牛肉湯麵 無諗到原來川味就係落麻辣油嘅牛肉麵，湯底比較清，無藥材味，亦都唔濃，正正常常唔算出色，加上麻辣油搶味，好似食緊麻辣油湯麵咁😢好似食拌麵會開心啲😢

麻辣鴨血 (跟餐小食) 🍉🍉🍉 基本上只有麻辣油味，鴨血幾腍滑，幾入味，有啲可惜嘅係同湯麵同一種味道，早知叫其他小食😐

伯爵戚風蛋糕配黑糖珍珠 $68 🍉🍉🍉 蛋糕本體好濕，唔係太鬆軟，唔太有回彈嘅感覺，雖然面頭有好多奶泡+黑糖+珍珠，不過整體都唔會太甜，珍珠好香黑糖味，尚算煙韌，唔似咬緊橡筋👍

份量比燈籠滷味少，但係貴啲🙈腸煎得幾香脆，幾彈牙，唔係口感好淋好霉個隻台灣腸

kiki烤茶珍珠鮮奶 走甜少冰 +$18 🍉🍉🍉 茶味唔濃，少冰都係好多冰🙈多到啲冰溶緊個陣杯野愈嚟愈淡，變到飲緊奶水咁，要飲得好快先避免到呢個問題🙈珍珠食到外層有黑糖，都係好香嘅黑糖味，有咬口得嚟唔韌 最後呢餐~$250 真係偏貴，整體嚟講嘅質素唔太值，不過呢個定價應該有好大部份都係因為租金而Mark up咗，只係下次再嚟K11 Musea 搵嘢食我可能會選擇番five guys 算啦😂😂