[香港/大埔] 富臨旗下轉型復古日式餐廳 喫茶ちょうぼ

推薦： 🍉🍉 (2/5)                  

味道：  🍉🍉🍉(3/5)

價錢： 🍉🍉🍉 (3/5)             

打卡： 🍉🍉🍉🍉 (4/5)

位置： 🍉🍉🍉 (3/5)             

回訪： 🍉 (1/5) 

日式紅酒燉牛肉蛋包飯 $98 🍉🍉🍉🍉

店員放低碟飯之後有問吓洗唔洗影相先，原來係會等客人影完相之後先切開同淋汁，個蛋整得好好，未切個陣好似芒果咁😂 一切落去流心，仲未熟哂， 半生熟，望落幾靚，食落仲好滑溜😆

個飯係炒飯底 (好評!)，我個人比較鐘意炒飯底，覺得白飯底嘅蛋包飯真係好難整得好食🙈呢個炒飯就咁食會偏淡味，但係撈埋醬汁就啱啱好，飯入面有啲瓜、蘿蔔，增加咬口👍

牛肉輕輕咬已經散開，腌得好入味之餘仍然有肉香，份量好多，一個女仔應該食唔哂，整體嚟講算係幾滿意，不過都係貓之眼比較好食😂

照燒雞皮餃子 $48 🍉🍉🍉🍉

整得外脆內嫩，餃子係菜肉餃餡，菜肉餡好彈牙，不過油分比較多，有少少肥膩，照燒醬令到餃子加咗甜味，亦都減低咗油膩感👍美中不足就係燒燶咗嘅部位食落會好苦，呢度扣左少少分🙈

Lotus 焦糖芝士脆餅 $51 🍉🍉🍉

雙層cream cheese 中間有焦糖夾心，食落真係非常甜， 面頭嘅餅乾減低甜膩感，算係不過不失，只係我太唔鐘意食芝士，所以我覺得一般，反而會想試個蛋糕多啲😂

焙茶牛乳 (跟飯+$28) 🍉🍉

面頭係可可粉，本身以為佢會撈勻先上，點知第一啖飲落口，成口都係粉，撈勻左之後就無事🙈 飲落非常濃郁，偏苦，而且無乜牛乳味🙈

巨峰提子梳打 $42 🍉🍉🍉

巨峰提子梳打但係面頭係車厘子 😂啫喱狀嘅提子沉哂底，用咗少少時間先搞得勻，搞勻之後都唔算太甜，雖然都係偏糖漿味少少，但係都係透心涼之選👍

後記

💟 食完上網睇番先知呢間餐廳係屬於富臨旗下，雖然味道係唔錯，但係推薦指數同回訪度唔高，大家都應該知點解咖啦🙊🙈介意嘅朋友就可以skip咗呢間唔洗試啦~

📍喫茶ちょうぼ

地址：大埔超級城B區2樓276號舖