因為我走咗芝士同醬，所以食落一定會比正常嘅burger dry，但係塊漢堡排夠juicy搭救番！塊漢堡排真係好厚，差啲唔可以一口咬哂成個burger，肉汁好豐富，會爆汁但係未去到會滴出嚟嘅程度，啱啱好😍 肉香雖然唔太出，勝在牛脂量適中，咬落綿符嚟有咬口，亦都唔會咬到碎粒/成塊解體🤤

薯條都炸得好香脆，睇墊個張紙就知唔多油，有微微薯仔香，食哂都仲想食多幾條🤤

黑松露煙三文魚手打意大利麵 $88 🍉🍉🍉🍉

意粉唔係平時食開幼身/扁身嘅意粉，麵條好粗身，有啲似烏冬，食落超彈牙，完全唔同平時意粉嘅口感!! 會因為想再食個手打意粉而revisit! 

醬汁帶有少少黑松露香，唔太濃，啱啱好👍🏻反而芝士味都幾濃，配合切成條狀嘅煙三文魚，同個醬汁好夾，不過我覺得食到一半之後就會覺得有少少膩🙈

Latte $ 38 🍉🍉🍉🍉

使用巴西豆，一飲落口最突出就係個陣nutty味，果仁味好重，味道唔酸亦都唔太苦，啱哂唔係成日飲咖啡嘅人👍🏻 不過因為我偏好fruity豆，所以呢杯啡唔算太啱我口味😢

後記  

💟 用餐期間不斷都有好多人入座，下晝3點都滿座🙈如果想試嘅朋友記得預先訂位~ 

💟 如果唔request 要咩豆嘅話，店員會default用nutty豆沖啡~ 所以想飲fruity豆嘅朋友記得落單個陣講低聲~ (我食完先知😭)

💟 位置2星最主要係因為佢位置唔太方便，搭鐵要轉輕鐵，巴士落車要行一小段路，揸車泊街嘅話個頭又成日抄牌🙈附近唔算太多嘢行，如果專登由九龍/港島入嚟屯門試嘅話，最好預半日至1日喺屯門去埋唔同地方玩/食嘢~ (順便推介埋喺屯碼嘅餃里, 新墟附近嘅隱啡, 有幾間分店嘅雲川😛)

📍Peloton  

地址：屯門海皇路23號御海灣地下G14號舖