推薦： 🍉🍉🍉🍉 (4/5)   

味道： 🍉🍉🍉🍉 (4/5)   

價錢： 🍉🍉🍉 (3/5)   

打卡： 🍉🍉🍉🍉 (4/5)   

位置： 🍉🍉🍉 (3/5)   

回訪： 🍉🍉🍉 (3/5)  

食完真係明點解有咁多人大推呢款吐司😍 外層嘅吐司烤得好香脆，食落好鬆軟，內層半熟嘅蛋漿取代咗烤到溶化嘅芝士，同牛油融為一體，連埋特厚嫩滑雞腿嘅肉汁同埋秘製嘅醬汁，真係好食到眼前一亮，非常juicy😍  不過真係好辣，會辣到覺得條脷痛，無麻嘅感覺，就算辣到咁都會想繼續食😂 

❗ 呢個要盡快食，如果唔係個吐司就會因為浸住蛋漿而變淋

滷肉同飯嘅比例啱啱好，夠撈哂成碗飯，滷肉肥肉偏多，醃得好入味，滷肉汁就咁食都唔會太鹹，送飯一流😍 呢個size嘅滷肉粒好好，唔係細粒到肉碎咁，有得咬吓👍

不過48蚊係其他餐廳都差唔多食到一碗大嘅滷肉飯，相比之下呢個份量有啲少，如果係同一個份量&質素賣$38就會覺得好滿意

第一次見成大塊上嘅甜不辣😂呢款好薄，唔似平時係超市/其他餐廳食到有厚度、彈牙嘅甜不辣，同平時常見嘅味道相若，不過唔彈牙，無乜咬口，甚至需要啲力度先咬得開，個人覺得平時常見個款啱口味啲🙈

花枝丸 配淮鹽 $38 🍉🍉

花枝丸亦都比較普通，感覺上炸過龍，成粒丸都已經皺起哂，咬落亦都唔係非常彈牙，又無乜味，唔太抵食

凍頂烏龍茶/桂花烏龍茶  (加配優惠價 $8) 🍉🍉🍉

兩款茶都係無加糖&防腐劑，茶幾香，清清哋，呢餐食太多熱食嘢，飲番少少無糖茶中和吓啱哂😂

📍 黑布小巷

地址：荔枝角億利工業中心4樓405室