個個都想食沙律，但係唔係個個都食到沙律咖~

今日介紹嘅呢間餐廳，本身諗住係試伏系列，點知一啲都唔伏，完全唔似食緊齋，超適合初嚐素食嘅朋友，試完之後無左齋係唔好食嘅偏見，而且啱哂食飯想打卡嘅朋友

原隻菠蘿炒椰菜花飯 $188 🍉🍉🍉

望落非常吸引，原來係用椰菜花扮飯，開頭以為係蒟蒻飯咁將椰菜花變做飯既形態(一粒粒)，但係原來質感同形狀都唔係幾似，菠蘿唔太甜，偏酸，菠蘿嘅酸味加落椰菜花度唔係好夾🙈

素肉鬆同素肉碎好似真肉，炒得好香口，不過呢個飯無卡邦尼意粉咁好食

(我哋有懷疑過啲蛋絲係咪真係蛋😂)

韓式泡菜素煙肉卡邦尼意粉 $118 🍉🍉🍉🍉

呢個意粉真係好好食，完全唔似食緊齋，食落無泡菜，有少少似係韓國食到嘅로제 카보나라 (Rosé Carbonara) (因為加入蕃茄醬、辣醬落去煮，令到醬汁變成粉紅色而命名，外觀非常吸引)，個麵煙韌得嚟唔硬，好掛汁，如果加少少落去菇應該更好食😋

不過啲素煙肉如果就咁食就麻麻哋，撈埋啲麵一齊食都算OK嘅，但係食感唔似真煙肉

泰Impossible豬漢堡 $138 🍉🍉🍉

Impossible豬肉幾乎同真嘅漢堡排食感同味道一模一樣，分唔出自己食緊齋定真肉，唔油膩，仲有些微肉汁😦叫做泰式漢堡包個原因就係因為呢款包係用咗是拉差醬，食落竟然出奇地夾，好有驚喜

沙嗲素雞串燒 $47 🍉🍉

一共有4串，沙嗲醬好香花生醬味，唔太辣，但係無花生碎有少少扣分 (其實我都唔知花生係咪素，但係用得花生醬應該可以落花生?) 😂😂素雞無乜咬口，有啲似一嚿麵粉，同雞既質感唔似

炸蜜香蕃薯條 (大) $67 🍉🍉🍉

蕃薯條偏乾身，正常發揮，無蜜糖味，如果有得點住蜜糖嚟食就更好啦😋最好嘅優點就係勝在夠多

火龍果紅茶乳酪 $42 🍉🍉🍉🍉

雖然睇落好深顏色但係唔算好重火龍果味，好易入口，茶唔香不過中和咗乳酪嘅甜度，成杯飲品都唔會好甜，好清新😆呢款飲品係飲管位置有隻鶴，超適合打卡呀!!

後記

💟 Book位只book到6點半時段，之後嘅時間要walk in

💟 Menu有寫明有邊款食物係適合生酮人士選擇，好貼心

📍 2DP

地址：尖沙咀厚福街12至12號A藍馬商業大廈地下