[香港/上環] 環境舒適Pancake出色 3rd Space 

推薦：🍉🍉🍉🍉 (4/5)                味道：🍉🍉🍉🍉  (4/5)           

價錢：🍉🍉 (2/5)                           打卡：🍉🍉🍉🍉🍉  (5/5)                       

位置：🍉🍉(2/5)                            回訪：🍉🍉🍉 (3/5)        

自家製蕃茄醬煙肉半熟蛋意粉 $95 🍉🍉🍉🍉

見到自家製蕃茄醬已經決定要食呢樣😛意粉偏粗，每條都好有彈性得嚟唔會過硬，而且每條都包圍住好多醬汁，蕃茄醬食落好開胃，調味得好好，唔會過酸又唔會係茄膏味，煙肉份量正常，唔算多，可惜半熟蛋過熟，成個蛋黃都已經唔係流心狀態，呢度扣咗少少分

招牌燒海鹽忌廉麻糬班戟 (日本宇治抹茶味) $85 🍉🍉🍉🍉🍉

Pancake係美式班戟，比較實淨，唔係日式有空氣感個種souffle pancake，Pancake本身唔甜，帶有微微嘅回甘，配合埋面頭嘅雪糕中和番啲澀味真係一流!😍海鹽忌廉醬嘅味道恰到好處，就算我唔太鐘意海鹽味食到都唔會覺得太鹹&難入口，而且中間夾住超足料嘅麻糬，旁邊嘅燕麥同提子亦都可以為Pancake帶嚟更多唔同口感，不過份量比較少，pancake只有1塊，加上意粉亦唔多，如果男仔食應該唔太夠😢

宇治抹茶豆乳拿鐵配北海道牛乳雪糕 $48 🍉🍉🍉🍉

抹茶同牛乳嘅比例啱啱好，有微微回甘但係唔會有抹茶嘅苦澀味，又唔會太甜，不過我自己就覺得抹茶味可以再多少少😛開頭飲品嚟到，店員介紹可以試一啖雪糕之後篤落嘢飲度撈埋飲，本身以為要用飲管撩少少雪糕上嚟食，原來枝管連埋匙羹🙊牛乳雪糕好香，好食到我食咗幾啖已經食哂，得留少少撈埋落去飲😂😂

無糖鮮青檸薄荷梳打 $40 🍉🍉🍉

就係一杯咩特別嘅青檸梳打😂😂勝在無糖，啱哂想飲啲透心涼嘅飲品，又唔想太肥嘅朋友叫嚟飲😂

後記

💟 地理位置唔算非常方便，無論係西營盤站/上環站附近去餐廳都要行一段時間，以現時咁熱嘅天氣真係會行到成身汗🙈

💟 店內外都有好多唔同嘅裝飾、擺設、壁畫，非常適合打卡😍

📍 3rd Space

地址：上環差館上街16號地舖