[香港/尖沙咀] 新開張台式火鍋 性價比一般 失望而回 牛品台式火鍋

推薦： 🍉🍉🍉 (3/5)                      

味道： 🍉🍉🍉(3/5)  

價錢： 🍉🍉 (2/5)                           

打卡： 🍉🍉 (2/5)  

位置： 🍉🍉🍉🍉 (4/5)                

回訪： 🍉🍉 (2/5)

牛御品吃到飽套餐 $279+ $20 (特別日子收費)

一開頭嚟到碟牛肉真係幾靚，食完第一碟我仲講左句：今晚要食好多肉，因為第一碟食落真係好香肉味，入口嫩滑，唔會有雪味，點知原來得第一碟靚，之後每況愈下🤦🏻‍♀️附送嘅各牛丸亦都唔算太出色，牛大人嘅和牛丸好食過佢🤦🏻‍♀️

食物款式唔多，有幾款幾特別 e.g. 粟米貢丸、百頁豆腐，菜類較少，娃娃菜/翠玉瓜都無(所以當晚無食過菜🤦🏻‍♀️)嘢飲選擇都唔多，只有罐裝/紙包飲品，無台式打邊爐好流行會有嘅樽裝茶，焗住要飲啲甜到漏嘅嘢飲🤦🏻‍♀️

QR code點餐頁面上方會有倒時timer，雖然係幾user friendly，但係食嘅時候就會凝住得番好少時間，食得好趕🙈嘢食落單後5分鐘內會送到，都幾快，亦都無漏單👍埋單嘅時候可以選擇一杯Movenpick雪糕/一碗芋圓仙草🍦

呢個價錢嚟講，我諗有好大部分都係因為佢嘅地理位置，$300呢個價位，牛肉質素尚可，打邊爐餸料同嘢飲選擇都少，台灣小食正常，我自己就覺得唔係幾抵啦😐唔知大家又去開邊度打邊爐呢~

後記

💟 Reception個位接待員態度非常友善，同時都不停推銷我哋食貴啲嘅餐同點樣拎到最多discount，但最後埋單同入座前聽到嘅優惠有出入，扣咗啲印象分😥

💟 有加一服務費

📍 牛品台式火鍋

地址：尖沙咀樂道32-34號1樓