[香港/旺角] fusion小籠包 高質有驚喜 十十川滬料理

推薦： 🍉🍉🍉🍉 (4/5)                  

味道：  🍉🍉🍉🍉(4/5) 

價錢： 🍉🍉🍉 (3/5)                       

打卡： 🍉🍉🍉 (3/5) 

位置： 🍉🍉🍉🍉 (4/5)                 

回訪： 🍉🍉🍉🍉 (4/5)  

花雕醉雞 $68 🍉🍉🍉

第一啖食落唔太入味，無乜酒香，每啖食之前將嚿雞點落湯汁先有酒味🙈底下個啲浸湯汁浸耐咗再食就入味好多，雞肉嫩滑，唔會太多肥膏 (啫喱)，不過啲骨好碎，食到成個口都係骨🙈呢個價錢有呢個份量嘅雞都幾抵食👍

龍哥小籠包 (酸菜魚味) $58 🍉🍉🍉🍉

小籠包塊皮幾薄，連尖端位都唔算太厚皮，但仍然可以承托入面嘅湯汁，唔會一夾就爛😋入面湯汁好多，差唔多可以裝滿一隻匙羹，咬開入面係魚肉! 好驚喜😂😂 (本身以為都係豬肉餡) 而且入面個種酸菜魚湯汁好惹味，唔油膩，魚肉餡彈牙得嚟都幾實淨，同湯汁好夾，好好食!

紅毛小籠包 (麻辣濃湯味) $48 🍉🍉🍉🍉

湯汁有少少辣油，食落都幾辣，麻辣得好惹味，但都唔算油膩，本身以為成個湯汁都係辣油/油好多，呢款小籠包就係正常豬肉餡，有菇，食得出有溝少少肥豬肉，幾實淨，呢個仲好食過酸菜魚小籠包!😋😋

上海粗炒 $78 🍉🍉

呢碟上海粗炒嘅配料只有菇同椰菜，無瘦肉絲，所以唔會食食吓咬到啲好韌嘅口感，雖然醬汁鹹度適中，啲麵又好入味，但係真係好油膩，好似每一條麵都俾油浸住咁

後記

💟 侍應好有禮貌，雖然用餐途中有少少意外，但係都處理得幾好，好快就解決咗

📍 十十川滬料理

地址：旺角朗豪坊4樓7號舖 (Food Court旁)