推薦： 🍉🍉🍉🍉🍉 (5/5)
味道： 🍉🍉🍉🍉🍉(5/5)
價錢： 🍉🍉🍉🍉 (4/5)
打卡： 🍉🍉🍉🍉🍉 (5/5)
位置： 🍉🍉🍉🍉 (4/5)
回訪： 🍉🍉🍉🍉 (4/5)

最近又有朋友生日，當然又要訂蛋糕啦😍諗咗好耐到底訂邊款好，最後聽取朋友嘅意見，喺呢間網店訂咗個瀑布蛋糕嚟試下😋其實一開頭都有啲擔心，因為呢款蛋糕有好多都好睇唔好食，如果買完番嚟唔好食就好揼春🥲🥲
交收完番嚟見到好簡單嘅配置，就係一個海綿蛋糕、2枝cream (1枝綠茶1枝cream cheese)同1盒綠茶粉，食個陣倒啲cream上去，再拉起番膠片就食得🍽一路倒緊啲cream出嚟一路諗到底點食得哂咁多cream，會唔會好膩，點知完全唔會😂無論蛋糕base 同cream 都完全唔甜！
cream食落好light，唔甜唔膩，綠茶cream係偏向matcha latte ，即係加咗奶嘅綠茶味，好滑好香濃🍵奶同綠茶嘅比例好好，奶令綠茶cream 變滑咗之餘又唔會令到啲cream太甜/溝淡咗綠茶味👍👍cream cheese嘅芝士味好香，不過我唔係太鐘意食芝士，所以無乜研究到🤣🤣
蛋糕base 好輕盈好spongy！就算淋咗cream 上面都唔會淋哂，反而係加乘咗仲好食，加埋灑喺面嘅綠茶粉，成個蛋糕入口綠茶味超香濃，唔經唔覺就已經食哂啲cream😂連高要求嘅朋友都話呢個蛋糕好食，價錢又唔貴，無選擇錯🤩
後記
💟 店主好好人，雖然我訂得有啲急，但係都唔介意就我交收時間同地點，交收個陣同之後都有教要點處理個蛋糕，講得好詳細👍👍
💟 食完呢隻味，覺得店家可以試吓研發珍珠奶茶味😂😂topping用珍珠代替綠茶粉，覺得可能都幾受歡迎😂😂