推薦： 🍉🍉🍉🍉🍉 (5/5)            

味道： 🍉🍉🍉🍉🍉(5/5)

價錢： 🍉🍉🍉🍉 (4/5)                 

打卡： 🍉🍉🍉 (3/5)

位置： 🍉🍉🍉🍉🍉 (5/5)            

回訪： 🍉🍉🍉🍉 (4/5)

血腸湯飯 $78 🍉🍉🍉🍉

喺香港搵咗好耐，好少有韓國餐廳會有血腸湯，就算有都未必好食，仲要勁貴🥲今次都係抱住試伏嘅心態嚟試，點知食落覺得還原到7成喺韓國食嘅味道，已經超開心，每食一啖都好諗番喺韓國食血腸湯嘅回憶😭胡椒味偏重，飲落似牛骨濃湯加胡椒嘅味道，好暖胃，血腸咬落好彈牙，唔粉，仲有少少內臟，完全唔會有腥味，另外我再自己加咗少少辣椒粉，成碗嘅味道再昇華咗，撈飯一流！🥰不過可能因為材料偏貴，血腸嘅份量唔太多，一碗只有3-4嚿，唔係幾夠☹️

辣炒年糕 $38 🍉🍉🍉🍉🍉

本身見佢寫係小食，價錢又只係$38，以為佢會得一個紙杯咁多，點知一嚟到見到咁大碟真係超開心！年糕每嚿都煙韌又糯綿，魚糕份量亦都好多，好抵食！比較少見嘅係，入面加多少少粉絲，吸哂啲醬汁，超惹味🤤好似燉雞嘅冬粉咁正🤤

炸醬麵 $54 🍉🍉🍉🍉

炸醬麵都還原到韓國嘅7成味道，麵條似係幼烏冬，唔係韓國食開嘅炸醬麵底，成個炸醬感覺淡味咗少少，感覺春醬落得比較少，肉粒同洋蔥煮得好綿，一咬就散，撈埋啲麵度食好夾😆

注意：有三色豆🤣

📍藝餐
地址：葵芳葵涌廣場1樓B21號舖