[香港/紅磡] 休閒之餘可以享受精品咖啡之選 NOC COFFEE

推薦指數: 💜💜💜💜💜

之前見到佢被票選為「亞洲50間最佳咖啡店」嘅時候已經去過一次中環個間，印象非常深刻，當日經過附近就決定行過去飲杯咖啡😋

Pourover嘅咖啡豆要另外問店員拎嚟睇，Menu上8款咖啡豆會提供2款，聽店員講係一至兩星期會換一次豆，好可惜我到訪當日供應嘅咖啡豆唔係太啱心水，所以叫咗杯Long Black就算，另外再加咗$5 轉咗Single Origin嘅咖啡豆

店內氣氛營造得好好，以輕工業風設計，樓底好高唔會有焗促感，座位多之餘唔會覺得好逼，空間感做得好好，係一個叫杯咖啡同少少嘢食，成個下晝坐係度睇書非常好嘅地方。💕

(不過要留意，店舖內嘅卡位都係用水泥起出嚟嘅座椅，個啲位就未必可以坐得好舒服啦)

(再重申，我對咖啡只係一個超級入門嘅初學者，咩大巴士個啲我唔識的，有咩講錯歡迎指教)

我叫嘅Long Black聞落有少少花香，飲落好fruity，有少少荔枝味，比想像中酸少少，但可以接受，因為我落單嘅時候唔記得叫凍嘅，杯咖啡太熱，要等凍左少少先飲到，有機會會影響咗個食感。🙈

當日因為另外會再去食嘢，所以無叫到嘢食，下次encore再同大家分享！😋