[香港/尖沙咀] 重溫港英年代懷舊氣氛嘅餐廳 太平館餐廳
打卡：🍉🍉🍉 回訪：🍉🍉🍉🍉
最近節日氣氛濃厚，想趁呢啲時間搵番啲有少少懷舊氣氛嘅餐廳嘆吓，搵吓搵吓最後決定嚟太平館餐廳，體驗吓衣家所剩無幾嘅舊式港式西餐廳嘅氣氛😆
太平館瑞士雞翼 (2隻) 配火腿炒蛋飯/薯菜 $70 🍉🍉🍉🍉
果然係瑞士雞翼既發源地，同其他餐廳嘅瑞士雞翼真係無得比，非常好食，瑞士汁甜得嚟食到最尾有好微嘅苦味，控制得好好，唔會得甜味，而且就算個瑞士汁咁濃都仲食到雞味，雞肉嫩滑，非常多肉汁👍👍不過有埋雞翼尖就有少少唔方便，食嘅時候要好小心唔好彈到啲瑞士汁周圍都係🙈薯菜就係烚薯仔同少量烚菜，無咩特別，不過點咗瑞士汁就好味好多😋
一食就知係用新鮮牛肉，好彈牙，瑞士汁入味之餘都仲有些微嘅牛肉味，河粉唔會煮到淋哂，浸住係汁度食到最尾都無乜點「發」，不過因為我哋係下午茶時段食，係同價錢相比，個份量就比較少😢
建議如果叫咗瑞士雞翼就可以唔洗叫呢個牛河啦，味道都係一樣瑞士汁嘅味道
一睇就知叫呢個梳乎厘係為噱頭而叫咖啦😂實物睇真係超大，大過我個頭，2個人叫做勉強食得哂😂蛋味聞落幾香，食落就無乜蛋味，不過打得非常滑，同其他梳乎厘相比比較濕。平時食梳乎厘都無感受到會淋得咁快，呢個食到一半已經塌到凹咗😂
後記
💟 其中一樣好體演到香港懷舊氣氛嘅就係侍應叔叔們都非常好人，不時行嚟斟水，見到同其他(懷疑)熟客都有傾有講，唔會趕頭趕命趕客人走，亦都無限時，有好多食客都係慢慢食，慢慢飲茶傾計，呢個氣氛好輕鬆好舒服😊
地址：尖沙咀加連威老道40號地舖
0 comments