純素低糖 Scone 健康小食之選 @bake.lottie

推薦：🍉🍉 🍉🍉        味道：🍉🍉🍉🍉             價錢：🍉🍉🍉🍉 

打卡：🍉🍉                    回訪：🍉🍉🍉🍉   

今次呢篇係一篇無收錢嘅廣告文haha😋 最近朋友開咗間IG shop 賣純素低糖嘅Scone (司康包)，呢位朋友之前因為個人考量改轉食純素，經過無數次研發之後創造咗自己獨有嘅食譜，仲鼓起勇氣將自己嘅製成品分享俾同樣係食純素又或者想減肥嘅朋友，為咗支持吓佢，就買咗少少嚟試吓😆

今次試咗4隻味，每一隻都好足料，好有飽足感，食一個就可以當早餐，而且價錢比起出去買嘅Scone真係平好多，真係感受到店主有好用心研究過自己嘅食譜💗

原味 $15 🍉🍉🍉

面頭有少少鹽味，會食到淡淡嘅蛋香，個粉打得好好，好軟熟，如果有少少提子乾就更加好啦😍

朱古力 $15 🍉🍉🍉

朱古力就同原味相若，多少少朱古力粒，不過都唔會好甜，減緊肥嘅可以解吓想食甜嘢嘅口癮😋😋

抹茶朱古力 $18 🍉🍉🍉🍉

非常濃郁嘅抹茶味，作為一個抹茶迷覺得無得彈，如果唔係非常喜歡抹茶最尾個陣回甘味可能會覺得有啲太濃，朱古力粒份量適中，低糖得嚟又食到少少甜味，真係減肥女仔嘅恩物😭

雙重朱古力 $18 🍉🍉🍉🍉

未食之前抱住食少一餐嘅決心嚟食呢粒double chocolate味嘅Scone，估唔到食落竟然完全唔甜，食到朱古力微微嘅苦味，咬到朱古力粒嘅時候會覺得甜，完全唔流，第一次食朱古力會無罪惡感😆

後記

💟 店主有溫馨建議食之前放入焗爐大約5分鐘整番熱先食😋Scone係室溫可以存放3日，雪櫃就大約5-7日