[香港/旺角] 由店名就已經好fun嘅餐廳 No Money So Lonely

推薦：🍉🍉🍉             味道：🍉🍉🍉             價錢：🍉🍉 

打卡：🍉🍉🍉🍉       回訪：🍉🍉🍉🍉   

麵嘅面頭有3塊薄脆巴馬火腿，有少少微辣，after taste好強，非常香。個麵其實無想像中咁黑😂麵嘅質地似烏冬，略嫌覺得有少少太淋，以墨汁取代一般卡邦尼嘅蛋黃醬，芝士份量非常多，拉哂絲😋不過食落芝士香就唔多，而麵入面就有少量煙肉，同埋原來無墨魚，食落好黏口。份量好足夠，不過價錢就稍微有少少貴🙈

本身以為肉桂只係配角，大概係一杯普通嘅香蕉Milkshake加少少肉桂吊味，點知一飲落成口都係肉桂香，肉桂味非常重，香蕉同肉桂味嘅比重大約係3:7，甚至有少少似肉桂先係主角嘅感覺，好似食咗啖churros咁，飲落都幾滑嘅，不過奶味就無乜，唔算好甜😋飲完一啖之後連食個麵都都係肉桂味😂😂唔係咁鐘意肉桂嘅朋友可能就會覺得肉桂味太濃🙈

整體嚟講，專登嚟食嘅話價錢就一般，但係如果係打工仔嚟食餐lunch就太貴啦🙈加上商場定位都係吸引年青人較多，附近又係偏平民價格嘅餐廳多啲，呢個價格可能唔算好吸引，食完就真係會覺得No money so lonely，建議可以整幾個Set meal，方便啲唔知食咩好，又或者係覺得單點嘅價錢有啲太貴嘅食客😆😆

💟 員工個個都係靚仔靚女，又可能係因為無統一嘅服裝，有少少分唔到邊啲係員工邊啲係客人🙈 員工們都好nice，因為我去個日都仲係試業頭幾日，見到有員工都仲試緊味，我食完之後員工都有問吓我意見🙈

📍 No Money So Lonely

地址: 旺角彌敦道700號T.O.P This is Our Place 4樓406-408號舖