[香港/天水圍] 隱世高質糖水舖 一糖

推薦：🍉🍉🍉🍉        味道：🍉🍉🍉🍉             價錢：🍉🍉🍉🍉 

打卡：🍉🍉🍉             回訪：🍉🍉🍉🍉   

今日為大家介紹一間大西北嘅隱世甜品舖！呢間甜品舖我應該去過不下20次，甜品又好食，唔太甜，又多款式，偏僻少少都抵呀！

窩夫系列 (抹茶麻糬/百利甜酒朱古力/石板街/Mocha 脆脆麻糬) $55-62 🍉🍉🍉🍉🍉

呢間甜品舖最出名應該都係佢嘅窩夫系列，基本上只要堂食有一枱叫咗，就會香到所有在場食客都聞到咁濟，試過我叫外賣番屋企，拎到番去一打開都仲係好香蛋香，一聞就會好想食😋特別想介紹一下麻糬系列，脆脆嘅窩夫中間夾有煙韌嘅麻糬粒，加上抹茶醬/朱古力醬+棉花糖同雪糕球，食極都唔厭!!😋😋

朱古力/Bailey's心太軟 $50/58 🍉🍉🍉🍉

心太軟亦都係其中一個招牌甜品，每一碟都係新鮮熱辣出爐，上面加少量綿滑嘅cream，一整開就見到滿滿嘅朱古力醬湧出嚟，好邪惡😝😝不過另外嘅鮮雜果同忌廉我個人就覺得唔係好夾，所以次次都會食淨🙈🙈

抹茶牛奶冰 $60 🍉🍉🍉🍉

夏天絕對唔少得嘅刨冰!!冰底係牛奶冰，煉奶同牛奶嘅比例溝得幾好味，唔會太甜，好過就咁冰底，配有白玉同紅豆，好足料，不過抹茶醬唔係好夠食哂成個冰，再多少少更加好啦😍😍

後記

💟室內嘅座位比較少，如果夏天嚟食嘅時候室內又無位就唯有係室外食啦，不過就會好熱同埋有蚊咬😖😖

📍 一糖

地址：天水圍屏山上璋圍249號地下1號舖 (天水圍西鐵站E3出口落輕鐵站過馬路落車房)