[台灣/ig shop] 麵包款式極多 台灣代購一饅頭

推薦：🍉🍉🍉🍉        味道：🍉🍉🍉🍉             價錢：🍉🍉🍉

打卡：🍉🍉🍉 🍉       回訪：🍉🍉🍉🍉

最近見到唔少朋友都喺Instagram搵人代購世界各地嘅美食番嚟止吓無得去旅行嘅心癮先，本身覺得又唔抵又麻煩，以為自己唔會參與埋一份，直到最近有樣好想食嘅嘢只係喺台灣有得賣，於是就開始搵吓邊間IG shop有賣，睇吓睇吓見到呢間「一饅頭」啲麵包覺得好吸引，於是就買咗幾個番嚟試埋😋😋

小山園抹茶小饅頭 $63 🍉🍉🍉🍉

總共有六粒，大約拳頭咁大，聞落無乜香味但食落有淡淡嘅抹茶甘味，如果期待佢好似市面上嘅抹茶麵包咁成個包都係抹茶味就可能會有啲失望，食完呢隻味反而好想試埋佢個原味饅頭，應該會更好食😛😛

米歇爾可可小饅頭 $68 🍉🍉

總共有六粒，花形嘅設計令每一啖食落去嘅時候都會逐瓣逐瓣咬開，食到入面嘅朱古力餡😋呢款飽腹感十足，可能因為朱古力味太濃郁，食咗大半個已經覺得好飽😂

抹茶奶酥圈圈 $39 🍉🍉

超級巨型嘅圈圈 (留意番唔係Bagel嚟咖) 食落無甜味咁濟，唔洗驚會好甜，抹茶味無焙茶個隻嘅茶味咁濃，恰到好處，好鬆軟，食一個已經可以當一餐😂

鹹蛋黃奶酥 $36 🍉🍉🍉🍉🍉

鹹蛋黃加咗奶但仍然非常濃味，好似食緊月餅咁，好邪惡😖

黑糖龍眼乾 $30 🍉🍉🍉🍉🍉

一翻熱完黑糖味非常清香, 一搣開已經見到超多龍眼乾!!入口龍眼乾味好出，同飲咗啖濃郁嘅熱龍眼水嘅味道一樣，包包好鬆軟，大推!!

焙茶奶酥 $36 🍉🍉🍉

超濃郁焙茶味，不過唔苦，奶味無乜，比起黑糖龍眼乾都幾重口味

(強烈建議係屋企先食，會食到成個口都黑哂😂)

觀音奶酥 $36 🍉🍉🍉

重口味之選2😂茶味濃郁但係無乜觀音個隻最後回甘嘅味道，因為個餡非常多，有好幾啖都淨係食佢個餡，如果唔係超鐘意茶味嘅話可能會覺得有少少澀🙈🙈

(呢個都係留係屋企食會好啲😂)

後記

💟 提醒大家要趁熱食，如果唔係麵包會變硬就無咁好食

💟 感謝代購 @baegoals.bagel

📍一饅頭

@1mantou.studio