[香港/旺角] 告急黃店 韓國正宗安東燉雞 辛安東元祖奶奶雞

推薦：🍉🍉🍉🍉            味道：🍉🍉🍉🍉             價錢：🍉🍉🍉

打卡：🍉🍉          回訪：🍉🍉🍉

早排上網留意到呢間黃店告急，又見都有一段時間無去，於是就約埋朋友一齊去幫襯✌可能係因為限聚令，光顧當日餐廳唔多人，都有幾多吉枱，希望呢間餐廳可以支持得住😭

辛安東元祖奶奶雞 (半隻/小辣) $158 🍉🍉🍉🍉🍉

基本上同韓國食到嘅味道一模一樣😭無論係雞、薯仔、瓜、薯粉都超入味，薯粉唔單只掛汁，仲吸哂汁，甜鹹甜鹹真係好開胃😋😋個人覺得其實安東雞嘅精粹係啲薯粉😂所以每次食都會另外再加一份薯粉😂如果有得選擇순살(無骨)就100分啦😭😭

韓式泡菜小籠包 $58 🍉🍉

比較似係餃子(?) 外皮比較厚，內餡係泡菜+豬肉碎，都幾辣，食完一粒要飲幾啖水🙈 比起招牌菜安東雞，呢款小籠包就唔算特別出色

辣炒年糕 $68 🍉🍉🍉

有少少似港式辣年糕，唔太辣，加咗好多配料e.g. 紅蘿蔔、洋蔥絲、菇、洋白菜，年糕嘅量相比之下就唔算好多😢可能因為我哋當日係想食韓國布帳馬車(aka 街邊小販檔)個種辣年糕，淨係辣醬加糖稀做醬汁，再加年糕同魚糕個款，所以就覺得有少少期待落差，不過唔係唔好味嘅，年糕好煙韌

黃金芫莤炸雞  $88 🍉🍉

外層嘅鹹蛋黃粉有少少偏厚，一食落口成口都係粉🙈雞都幾嫩滑，而且份量幾多，雖然好多粉，不過都唔會好鹹，如果啲粉少啲就好好多啦🙈

📍 辛安東元祖奶奶雞
地址：旺角白布街20號地下