[香港/連鎖] 譚仔三哥期間限定 水煮湯鴨血米線

推薦：🍉🍉🍉🍉            味道：🍉🍉🍉🍉            價錢：🍉🍉🍉🍉

打卡：🍉🍉🍉                 回訪：🍉🍉🍉🍉

水煮湯鴨血米線 $38 🍉🍉🍉🍉 (另加了魚片頭&墨魚丸)

一嚟第一眼就覺得鴨血份量唔係好多，4-5嚿，一嚿鴨血大約係坊間買到嘅麻辣鴨血一嚿嘅三分一，另外有幾嚿豆卜附送，不過呢個價錢計番麻辣鴨血一份嚟講其實都差唔多，如果想食多啲可以選擇加多份鴨血，食落唔會一咬就散開哂，都算腍滑但係唔太吸到汁，無乜藥材味。

水煮湯底同麻辣鴨血湯底味道差唔多，有少少似煳辣個隻味，無想像中咁辣，但係無水煮個陣麻味，湯料有好多辣椒但係同平時個辣度其實同平時差唔多😂米線好似換咗麵底，食落幼啲同硬啲，個人覺得以前個麵底好食啲🙈🙈

總括而言鴨血係值得一試嘅，麻麻哋鐘意食鴨血嘅人就可能覺得無咩特別，但係平時好鐘意食鴨血嘅我嚟講就會覺得多咗一個好方便可以食到鴨血嘅地方!!個餸如果可以變做常設餸就好啦，不過個湯底轉叫麻辣可能會仲好食😆

熱情果烏龍茶 (轉配+$11 單叫$15) 🍉🍉🍉

杯嘢飲有寒天但係姐姐俾咗幼飲管我哋😂😂塊橙片意義唔大，得一片都唔會篤到啲咩味出嚟🤣🤣無乜烏龍茶味，似熱情果橙汁多啲🤣想試埋佢個青蘋果梳打 好似會好飲啲🤣

後記

💟 當日到訪嘅係旺角西洋菜南街分店，幫我哋落單位姐姐勁好人，係咁推介嘢食比我哋，話佢自己個朝都食過成個set，都幾好食，叫我哋試吓新嘢😂😂

📍 譚仔三哥