[香港/天后] fusion 拉麵cafe 你試過未? t2P (The Second Phase)

推薦：🍉🍉🍉🍉 (4/5)                     味道：🍉🍉🍉🍉  (4/5)           

價錢：🍉🍉🍉 (3/5)                          打卡：🍉🍉🍉🍉  (4/5)                       

位置：🍉🍉 (2/5)                               回訪：🍉🍉🍉🍉  (4/5)            

聽朋友講天后有間fusion拉麵cafe，又fusion又拉麵又cafe好似好特別咁就走咗去試吓😂店內有拉麵、意粉、飯類、小食、甜品、咖啡，啱哂「我全都要」嘅食客😋😋店內氣氛好舒適，幾個朋友嚟食吓嘢，飲吓啡，好嘆😋😊

麻 (花椒叉燒拉麵) $108 🍉🍉🍉🍉🍉

一睇Menu就俾呢個拉麵吸引，好想試吓花椒同日式拉麵fusion會有咩效果，二話不說就叫咗呢個😂因為我比較鐘意食粗嘅拉麵，所以一開頭見到係幼拉麵有少少覺得可惜，不過呢款幼拉麵食落都幾掛汁，而且好滑，所以都幾好幾鐘意😂湯底有少少似日式清湯再加麻辣油嘅味道，花椒+拉麵原來都幾夾，麻得嚟唔算太辣，好惹味😋😋叉燒得一塊，但係因為麵嘅份量都多，所以又唔會食完都仲肚餓😂望落偏燶但係食落啱啱好，有啲焦香得嚟又唔會overcooked，好正😆

Tiramisu (飲品) $62 🍉🍉🍉

當日諗住試新嘢，問吓店員有咩飲品推介，佢介紹咗我哋飲呢杯😆飲品嘅外觀非常適合打卡，平時已經整好嘅Tiramisu入面嘅ladyfinger都係淋嘅，呢杯將ladyfinger放係杯面，所以食到脆嘅之餘，點一點落嘢飲度再食就好似食緊Tiramisu咁，幾過癮😂但係美中不足就係杯嘢飲真係好甜😂(可能係我食/飲過最甜嘅Tiramisu) 平時嘢飲飲開齋啡/走甜，本身都已經expect咗呢杯應該會有啲甜，但係個甜度超越咗我想像😂😂個味好似淋滿糖漿嘅Tiramisu，有啲可惜😢

醬油牛油蜆 (Off-Menu) $72 🍉🍉🍉🍉

雖然聽落又醬油又牛油好似好heavy，但其實食落都幾refreshing，牛油炒得啲蜆好香，再加啲日本醬油帶啲蜆嘅鮮味出嚟，好特別，食完一隻又一隻，係咁食😆份量都算多，有10幾隻，蜆肉好飽滿，漲卜卜，仲要咁多隻都無食到有沙😍

Off-Menu嘅菜式未必日日一樣，記得去到問吓店員今日嘅Off-Menu係咩啦~😆

地址：天后興發街100號