[香港/ig shop] ig shop 團購 千層蛋糕新嘗試 CAKEMANHK

推薦：🍉🍉🍉🍉 (4/5)                     味道：🍉🍉🍉🍉  (4/5)           

價錢：🍉🍉🍉 (3/5)                          打卡：🍉🍉  (2/5)                      

位置：🍉🍉🍉 (3/5)                          回訪：🍉🍉🍉  (3/5)            

最近有朋友喺團購見到可以買呢間ig shop嘅千層蛋糕，同佢買咗幾件share嚟試，順便包膠吓俾大家😆😆

法國Valrhona生朱古力千層 🍉🍉🍉

Cream好輕盈，但融得好快，每層嘅餅皮都好薄，有空氣感之餘又未至於覺得食完好似無食嘢咁，我自己覺得偏甜，再濃少少苦啲都得🍫

日本竹約抹茶千層 🍉🍉🍉🍉

超濃郁抹茶味，空氣感十足，抹茶味濃郁得嚟唔甜，唔係抹茶拿鐵個種好重奶味嘅抹茶，好正😍 (但可能有人會覺得偏苦)

Oreo曲奇千層 🍉🍉🍉🍉

廣告都有教過，扭一扭、點一點，就知Oreo加奶呢個組合99%都唔會難食，放喺忌廉就更加Good Match😋呢件蛋糕都做得唔錯，加Oreo落Cream都唔會覺得唔夾，如果中間/蛋糕面頭多啲餅碎就好啦😆

美祿千層 🍉🍉🍉

睇樣真係有機會分唔出美祿同朱古力😂食落都有少少似朱古力味，不過呢款再甜過朱古力味，食完要飲番杯茶中和吓，雖然美祿味好正，但係呢隻味就未必再試啦🙈

伯爵茶千層 🍉🍉🍉🍉

伯爵茶+奶油其實用伯爵奶茶嘅味道嚟形容比較貼切，入口有種幼滑嘅奶茶感，茶味唔算太濃，同奶油味各佔一半，完全唔膩，我平時唔係太鐘意伯爵茶味，因為覺得伯爵茶入面個種香檸檬味(柑橘味)唔好味唔鐘意，呢隻茶葉嘅香檸檬味唔濃，感覺上紅茶嘅比例佔得比較重，係我少數覺得可以再試嘅伯爵茶甜品😂食嘅時候仲會食到有少少茶葉，都幾特別~

@cakemanhk

(最近仲有間千層蛋糕喺我bucket list 超想試，但係要成個蛋糕買，盡快搵到機會試完同你分享😆😆)