[香港/屯門] 屯門新開張 人龍同質素不成正比?! 九份飽

推薦： 🍉🍉🍉 (3/5)            

味道：  🍉🍉🍉🍉(4/5)

價錢： 🍉🍉🍉🍉 (3/5)      

打卡： 🍉🍉🍉 (3/5)

位置： 🍉🍉🍉 (3/5)            

回訪： 🍉🍉 (3/5) 

香酥排骨刀削麵 $55 🍉🍉🍉

湯底唔算太特別，個感覺有少少似豬骨湯底，幾濃味但係有少少死鹹，唔算濃厚/濃醇，但應該有落啲味精🙈🙈麵嘅份量都幾多，雖然唔算特別好食，麵質亦一般，但勝在份量多，我同朋友食到最後都係勉強食哂😂排骨嘅份量都好多，有4-5嚿左右，炸衣厚度適中，食落似腌肉嘅時候梳打粉落得多咗少少，肉質唔太緊實，比較淋同一咬就散🙈

甜不辣 $35 🍉🍉🍉🍉

$35嚟講叫做份量非常多，呢間舖頭嘅甜不辣偏薄，有啲似韓國嘅魚糕，炸得酥脆，唔過火，不過相比之下，我都係比較鐘意尚青商號個種厚少少嘅甜不辣😂😂

海苔培根蛋餅 $32 🍉🍉🍉

內餡超多，一咬就會爆哂出嚟，食嘅時候要小心啲😂整體上嚟講不過不失，蛋餅都唔會難食得去邊😂，如果呢款蛋餅可以改成自己選擇配料就會更好啦😆

黑糖花生麻糬 $25 🍉🍉🍉

花生碎超多，成粒都係花生味咁濟😂食落同花生湯圓差唔多，不過外皮係用黑糖整成，如果黑糖香可以再出啲就會更好食😆

後記

💟 食完呢餐之後極度口渴，番到屋企飲咗2枝水先解到渴，懷疑啲嘢食都幾多味精

💟 所有嘢食都上得超快，叫完之後5分鐘就會嚟齊，無論係小食、主食定甜品，都會一次過上哂，如果想甜品後上嘅就食到咁上下先叫甜品會好啲

💟 無寫/講限時幾耐，但係每食完一碟嘢，啲姐姐就會走埋嚟收碟，差唔多食完就會抹枱、企喺枱隔離、收櫈，雖然我都明白阻人收工燒春_，但係仲有幾個字先收工就將啲櫈反轉放上枱，放係仲未食/飲完嘢嘅客人隔離，真係好癲....一係直接話俾客人知限時食幾耐仲好....

九份飽

📍 屯門時代廣場南翼地下22號舖