推薦： 🍉🍉🍉 (3/5)     

味道： 🍉🍉🍉 (3/5)       

價錢： 🍉🍉🍉 (3/5)     

打卡： 🍉🍉 (2/5)     

位置： 🍉🍉 (2/5)     

回訪： 🍉🍉🍉🍉 (4/5)    

烤到外脆內軟，好適合點咖哩食😋 蒜蓉可以再多少少會更好

第一次食呢款柱形蒜蓉包都喺元朗，叫「亞萊嘜嘜」，個陣連要求高嘅屋企人都話好食，今次再食，牛油只係搽喺包面，所以會睇到淨係上層金黃色，同成嚿都係金黃色嘅「亞萊嘜嘜」唔同，相比之下無咁香口🙈

泰式蝦炒金邊粉 $88 🍉🍉

同其他泰國餐廳唔同，個金邊粉唔會太死甜，不過落咗好多茄汁，同埋成個麵痴埋一pat，好難夾開，分開咗之後都係一餅餅，張相都睇到有啲粉仲係白色，未炒開🙈

牛嘅份量都幾多，我哋最後食唔哂所有牛😂 牛肉同其他配菜(eg 薯仔、洋蔥)都好入味， 完全唔辣，咖哩唔會比椰漿搶fo，比較厚嘅牛肉會有少少韌，最扣分嘅位就係咖哩嘅靈魂--薯仔得2嚿😭

香芒糯米飯 $78 🍉🍉🍉🍉

有紫糯米就一定加分咖啦😂 估唔到份量都幾多，有2份半邊芒果，白&紫糯米飯都幾大嚿，2個人分都夠食👍 仲有椰漿另上，不過本身已經淋咗好多係面，我哋都無用過咁濟🙈

另外可能因為唔係芒果當造嘅季節，有一半芒果好酸，另一半正常

圖片同實物相符😂😂 真係好高😂 菠蘿味好出，感覺上糖漿落得唔多，頭幾啖會酸到牙齒敏感😂😂

後記

💟 香蕉仔就係隔離，可以食之前去香蕉仔落咗單先，食完過去拎😜

💟 建議多啲人嚟食，好多嘢都好想試，但係個胃唔夠大😂😂 所以會再嚟試其他嘢食😂

📍 尚泰太

地址：元朗大陂頭徑2-12號華盛樓地下E號舖