推薦： 🍉🍉 (2/5) 

味道： 🍉🍉🍉 (3/5) 

價錢： 🍉🍉🍉(3/5) 

打卡： 🍉🍉 (2/5) 

位置： 🍉🍉🍉🍉 (4/5)

回訪： 🍉🍉 (2/5)

超快就上枱，叫完應該唔夠1分鐘就有得食😂鹽酥雞份量好多，大部份都係啖啖肉，唔會食到成嚿皮/炸粉，滷肉飯份量正常，半肥瘦，差唔多可以撈勻成碗飯，就咁食都唔會太鹹

椒麻雞絲拌麵 $60 🍉🍉

本身見menu呢個麵有3隻辣椒，滿心期待希望會辣/麻到流哂汗，點知食落連辣味都只係好微，更加唔好提麻感😢唔知係咪因為就嚟收舖所以麻辣醬求其落，所以唔算太好食😢我叫咗刀削麵 (粗麵)，但係嚟咗陽春麵(幼麵)，不過見廚房都執緊嘢，就無提出要轉番刀削麵了😢幼麵入口幾滑溜，掛汁力一般

有炸花枝丸、炸甜不辣&炸四季豆

花枝丸得2粒sosad 只係外層有啲椒鹽，但係粒丸入面係無味，亦都無乜花枝粒可以咬🙈炸甜不辣都幾煙韌，不過都係無尚青商號咁好食🙈炸四季豆幾好食，炸完咬落都仲有汁，唔會乾哂，亦都唔會食到有「衣」

後記  

💟 餐廳收9點半，但係入座當時無講，當晚8點半左右入座之後叫嘢食先知last order同就嚟閂門，食得比較急，如果入座個陣提一聲就會好好多🙈

💟 整體嚟講都一般般啦，唔算特別好食，亦都唔係話好難食，只係有啲唔理解Openrice上面嘅食評點解好似同我親身去食個感覺差咁遠🙈🙈

📍 饞•台式幸福食堂

地址：荃灣大河道98號如心廣場二期1樓122號舖