Whitewood Coffee
呢間café唔算好大，坐到20人左右，最近因為防疫措施，所以位置會再少咗啲，燈光偏暗，同外面商場大大盞燈打落嚟形成好大對比，座位都幾寬敞，都幾舒服😊
Chai Tea Latte
推薦指數：🌟🌟🌟
一飲就聞到陣好香既印度香料茶葉嘅味道，暫時未喺其他café有試到過呢隻味，好新穎，香味維持好耐，吞完都仍然齒頰留香，飲落口質感好creamy，不過飲多兩啖之後就會覺得有少少甜🙈🙈
Whitewood English Breakfast 英式早餐
推薦指數：🌟
四個字：無咩特別
個炒蛋overcook咗少少，個麵包無咩特別， 煙肉同腸仔各一，份量唔算多，唔多油，又係無咩特別，蘑菇切薄片上，細細粒，有烤過，普普通通🙈🙈
個炒蛋overcook咗少少，個麵包無咩特別， 煙肉同腸仔各一，份量唔算多，唔多油，又係無咩特別，蘑菇切薄片上，細細粒，有烤過，普普通通🙈🙈
Pour-over filter coffee
推薦指數：🌟🌟🌟🌟
(利申定，我對咖啡只係一個超級入門嘅初學者，咩大巴士個啲我唔識的，有咩講錯歡迎指教)
當日有兩款咖啡豆可以選擇，因為我眼殘睇唔到下面個款係Geisha(藝妓)，就叫咗上面個款，唔知係咪因為啱啱開門order比較多，我杯咖啡係個All day breakfast食到一半先嚟到。
除左咖啡之外，隔離放咗杯磨完嘅咖啡粉可以聞，暫時去過只有2間café有呢個setting，呢點有特別加分😛飲之前聞落有好突出嘅檸檬香，入落口比較floral，到中間微酸，飲完之後有少許茶味嘅After Taste，第一啖飲真係好驚喜，好啱我口味，fruity得嚟refreshing，唔nutty，非常滿意。有少少可惜嘅係因為廚房比較細但係要處理哂嘢食同嘢飲，睇唔到沖咖啡嘅過程，少咗個機會望靚仔沖咖啡😗
黑糖抹茶厚鬆餅
推薦指數：🌟🌟🌟🌟🌟
食完嘅第一個感覺：唔怪得係招牌
一碟有3大嚿Pancake，兩個人食啱啱好，一個人自己食就可能食唔哂，舖面嘅綠茶粉份量適中，食落口嘅時候可以品嚐到綠茶粉嘅甘味，又唔會多粉到好似tiramisu咁濁親，碟上嘅綠茶cream溶得非常快，碟pancake一放低，1分鐘就已經變半液體，食落甘甘地，以綠茶味為主，奶味唔重，無乜甜味，一啲都唔漏
主角Pancake食落口食到微微嘅蛋黃味同牛油味，未至於好香但係一啲都唔漏，亦唔甜，另上嘅黑糖份量足夠可以淋哂落3嚿pancake度，係成碟甜品嘅主要甜味來源，如果唔落黑糖，成碟pancake係無乜甜味，令到食呢個甜品嘅時候個罪疚感大大降低，一唔覺意已經食咗兩嚿:P
評價： 去開附近會再去試，但係未必會因為想再嚟呢間café而專登去石門
後記
❗ 我哋去到嘅時候咁啱過咗3點，見到門口寫住4點重開先知原來3-4PM係落場時間，最後我哋因為懶，唔想周圍行，喺門口等咗一個鐘，後來大約3點45分已經排咗條長龍，第一輪已經full哂。
一碟有3大嚿Pancake，兩個人食啱啱好，一個人自己食就可能食唔哂，舖面嘅綠茶粉份量適中，食落口嘅時候可以品嚐到綠茶粉嘅甘味，又唔會多粉到好似tiramisu咁濁親，碟上嘅綠茶cream溶得非常快，碟pancake一放低，1分鐘就已經變半液體，食落甘甘地，以綠茶味為主，奶味唔重，無乜甜味，一啲都唔漏
主角Pancake食落口食到微微嘅蛋黃味同牛油味，未至於好香但係一啲都唔漏，亦唔甜，另上嘅黑糖份量足夠可以淋哂落3嚿pancake度，係成碟甜品嘅主要甜味來源，如果唔落黑糖，成碟pancake係無乜甜味，令到食呢個甜品嘅時候個罪疚感大大降低，一唔覺意已經食咗兩嚿:P
評價： 去開附近會再去試，但係未必會因為想再嚟呢間café而專登去石門
後記
❗ 我哋去到嘅時候咁啱過咗3點，見到門口寫住4點重開先知原來3-4PM係落場時間，最後我哋因為懶，唔想周圍行，喺門口等咗一個鐘，後來大約3點45分已經排咗條長龍，第一輪已經full哂。
❗ 另外就係，叫嘢食要喺門口俾錢先，因為我哋睇咗好耐Menu，所以到我哋叫嘢食嘅時候Pancake已經要等45分鐘 (第一枱20分鐘左右)，而且到訪當時無意粉，所以改咗叫English Breakfast
❗ 呢間café好似係無限時嘅(店內睇唔到有告示，店員亦都無提及)，但係因為keep住都有人排隊，所以如果有朋友想嚟呢間café坐一個下晝，呢間café就未必係一個好選擇啦
Whitewood Coffee✨
地址：沙田石門安群街3號京瑞廣場一期2樓207號舖
0 comments