[香港/旺角] 台灣地道夜市風味 燈籠滷味

推薦：🍉🍉🍉🍉            味道：🍉🍉🍉🍉            價錢：🍉🍉🍉

打卡：🍉🍉🍉🍉            回訪：🍉🍉🍉🍉

有唔少人約食飯都會約旺角，但係去咗咁多年，有時真係會唔知食咩好，今次為大家介紹嘅呢間「燈籠滷味」新分店位於朗豪坊，比較適合2-4人，最啱想約埋食個快飯，但係又唔知食咩好嘅朋友😋

麻辣鴨血冬粉 $48 🍉🍉🍉🍉

一嚟到就會見到好大粒辣椒浸係碗湯度，唔知係咪因為我多手整咗辣椒入面啲油同籽出黎，成碗鴨血都超辣，辣到流哂鼻水，忍唔住叫咗杯野飲😂😂 辣得黎有少少麻，湯底唔濃，比較似一碗麻辣油 (其實真係好想試真啲有咩味但係實在太辣😂)

鴨血好腍滑，每件都夠大件，不過略嫌無乜藥材味，冬粉吸哂啲油，辣上加辣😂😂

滷味 (杏鮑菇/百頁豆腐/甜不辣/芋絲/冬粉) $60 🍉🍉🍉🍉

相比起鴨血就比較無味咁重口味，淨試湯汁覺得好香濃，唔重藥材味😉專登選擇幾款都係易吸汁嘅餸，食落濃味得嚟唔會太鹹，2個人話咁快就清哂所有嘢食😂

不過每個餸份量唔多，建議叫王子麵+麻辣鴨血，更有特色而且可以食哂2款麵 (加辣椒醬仲正!) 😋 咁樣就可以因應自己想食幾辣而加辣，唔好好似我哋咁中哂伏😂

台式香蒜腸 $30 🍉🍉🍉

份量大約係2條腸 (短個款台灣腸)，切得好薄 ，煎得好香口但係厚番啲會更好咬口😋

香烤炭焙烏龍奶茶 $29+3 (凍) 無糖少冰 🍉🍉

飲落無乜味，奶香唔重，茶亦唔濃🙈最大既作用就係超大杯好啱解辣

其實最想介紹就係佢個「豪豪」吃二人套餐，$198有滷味、兩款小食、2杯嘢飲，其實都幾抵咖😋😋不過要留意呢個套餐係朗豪坊店限定，去銅鑼灣個間無咖~

後記

💟 鹹酸菜可以任添，超開心😋😋但係略嫌鹹酸菜唔係太夠鹹😗
💟 雖然去到嘅時候排長龍(前面大約10人)，但係好快就有枱，限時60分鐘，無人排隊可以繼續食
💟 有加一服務費

📍 燈籠滷味

地址：旺角亞皆老街8號朗豪坊4A樓10號舖