[香港/金鐘] 氣氛治癒 適合年輕人去嘅新式茶館 Basao tea

推薦：🍉🍉🍉🍉 (4/5)                      味道：🍉🍉🍉🍉  (4/5)           

價錢：🍉🍉🍉 (3/5)                           打卡：🍉🍉🍉🍉  (4/5)                       

位置：🍉🍉🍉 (3/5)                           回訪：🍉🍉🍉🍉 (4/5)        

店內嘅環境係非常舒適，好似無論店外發生咩事都好，只要入到嚟，內心就會變得好平靜嘅感覺😗

岩茶牛奶 $50 🍉🍉🍉🍉🍉

第一啖飲完嚇咗一跳，心諗點解咁似飲緊朱古力，只係呢杯就帶有微微嘅茶味😛入口濃稠得嚟好滑，聞落有少少花香，飲落同朱古力味好接近，不過其實用大紅袍沖出嚟嘅呢杯飲品嘅aftertaste更強烈😍好飲到明明覺得自己淨係飲咗2,3啖，原來已經飲哂😂😂

烏龍摩茶 $55 🍉🍉🍉

呢杯烏龍摩茶都係用武夷茶沖成，聞落香味非常特別，有少少似earl grey個種花香味，飲落aftertaste亦都好強烈，味道無岩茶牛奶咁易入口，所以我自己係比較鐘意岩茶牛奶😂😂

豆腐慕絲抹茶蛋糕 $55 🍉🍉🍉🍉

外型方型白白淨，成嚿豆腐咁，入面其實有抹茶夾層，抹茶味好香，不過無乜回甘，可能因為豆腐層嘅味道掩蓋咗，而豆腐層食落係慕絲蛋糕嘅口感，都好軟滑不過唔似豆腐咖，亦都唔會好似豆腐咁易爛😂不過豆腐味好濃，而且唔算甜，好清香，如果配無奶嘅茶應該會仲正😆

大紅袍黑糖麻糬蛋糕卷 $52 🍉🍉🍉🍉

蛋糕好鬆軟，本體偏乾，係我比較prefer嘅蛋糕食感😋夾層嘅cream綿滑得嚟打得好企身，會feel到有少少漿住個口而唔係又唔會太粗糙😍😍麻糬雖然唔係好多，不過黑糖味好香，超軟，煙韌到可以整到牽絲效果😂😂

後記

💟 用餐時間限時60分鐘

💟 上網睇個陣見到餐廳除咗蛋糕同Wrap之外都仲有Waffle個啲輕食，但係到訪當日只有蛋糕同Wrap，唔夠飽醫肚，大家要留意吓啦~😂

💟 張枱比坐嘅櫈矮，唔算非常舒服，長頭髮嘅女仔要小心啲頭髮同埋著裙嘅女仔可能要小心走光🙈

💟 店員好親切，店內亦都有茶包/茶業可以買，如果想知道更多有關茶嘅資料都可以問吓佢哋，感覺上佢哋會好樂意回答😆

📍 Sabao

地址：金鐘月街17號地舖