[香港/九龍塘] 新穎韓式Fusion 可惜性價比偏低 EXP

推薦：🍉🍉🍉 (3/5)                          味道：🍉🍉🍉  (3/5)           

價錢：🍉🍉 (2/5)                                打卡：🍉🍉🍉🍉  (3/5)                       

位置：🍉🍉🍉🍉 (4/5)                     回訪：🍉🍉 (2/5)        

記得以前嚟食嘅時候係意粉、pizza嘅西餐餐廳，前排經過見到佢變咗韓式fusion餐廳，好奇之下入咗去試吓😂

喇沙韓式年糕 $68

韓式材料，喇沙口味😂材料係韓國年糕會有嘅長條形年糕、魚糕同幾嚿八爪魚卷，但係味道完全係喇沙味(本身expect可能會係喇沙同韓式辣椒醬會mix埋有啲新口味試吓)😂年糕軟熟得嚟好煙韌，魚糕同八爪魚卷唔算香，但都幾入味，喇沙幾香，椰奶味唔太濃，偏稀，唔食得辣嘅朋友都容易入口，算係香港食到嘅average水平，只係份量有啲少，2個人食嚟講每個人可能都分唔到1人10嚿年糕，如果多啲人一齊share可能1人淨係食到1,2嚿🙈🙈

大蝦西柚芒果冷蕎麥麵 $102

第一眼見到呢碟麵嘅反應就係：嘩乜咁精緻呀😂我都算細食，但係呢個麵我幾肯定我食哂都仲會肚餓🙈雖然份量少，但係佢係唔錯嘅，蝦唔算大但都幾彈牙，個汁加上西柚酸酸甜甜，好惹味同開胃，配埋蕎麥麵嘅滑溜感，真係2,3啖就食哂😂

焦糖燒菠蘿火腿班戟 $92

叫咗上列2個嘢食之後覺得唔夠飽，所以就叫埋呢個班戟填肚(本身想叫細pizza，但當日無哂)，班戟係美式pancake，類似熱香餅，正正常常，我比較少食鹹嘅pancake，同火腿一齊食原來又幾特別，忌廉打得幾有空氣感，菠蘿又唔酸，所以夾埋一齊食甜鹹味配合得幾好😋

Menu張圖睇以為會有2塊pancake，應該都會飽啲，但係實物得一嚿班戟(手掌咁大)，半塊火腿，幾嚿菠蘿同cream，呢個份量要92蚊，落九龍城食糖水一人一碗好似仲開心😢

其實整體嚟講都算係正常quality，不過呢個價錢就真係貴得嚟又份量少🙈🙈呢餐300蚊但係2個人食完都唔飽🙈雖然好想試吓佢個紫薯pizza，不過再嚟食嘅機會都應該唔太大🙈

📍 EXP

地址：九龍塘達之路80號又一城UG層23號舖