[香港/屯門] 隱世日系禪風 屯門工業區特色cafe Kaffee Jen

推薦：🍉🍉🍉🍉 (4/5)                 味道：🍉🍉🍉🍉  (4/5)           

價錢：🍉🍉🍉 (3/5)                       打卡：🍉🍉🍉  (3/5)                       

位置：🍉🍉 (2/5)                            回訪：🍉🍉🍉 (3/5)        

Chocolate Muffin $30 🍉🍉🍉🍉🍉

超！邪！惡！但必試嘅chocolate muffin! 個muffin係超。濃。郁。朱古力味，唔單之muffin本身加咗朱古力粉落麵粉焗成，面頭有chocolate chip之外，入面仲有朱古力流心!!!🍫🍫🍫🍫因為店員係我哋落單嘅時候已經拎去翻熱，所以叫完無耐就有熱辣辣嘅muffin食😋muffin都幾鬆軟，面頭嘅chocolate chip有少少融融哋，一啖咬落去會有唔同口感，兩樣都係dark chocolate嘅味道，以chocolate muffin嚟講唔算超甜，仲有微微苦味😍中間嘅流心好似金莎味，所以淨係咬外層會食到同流心餡兩種唔同嘅味道，好驚喜!! 雖然食到尾係會有少少流，不過配埋Ice Americano中和番之餘，亦都為杯Americano帶來更多風味😛

Sausage Roll $58 🍉🍉🍉🍉

相比之下Sausage Roll 就正常發揮，無chocolate muffin咁特別，酥皮唔算多油，每層分明，中間嘅腸仔應該係慕尼黑白香腸，好香，外層酥皮香脆+內層香腸仔，啱哂想食鹹嘅輕食嘅朋友😋

本身仲有叫Ice Americano，不過當日無留心睇豆嘅details，同埋礙於我對於寫咖啡飲後感仲有少少心理陰影，所以都係下次再寫😪😪😥

後記

💟 只有少量輕食，作為午餐未必足夠，雖然價位係屯門工廠區嚟講比較進取，但係午餐時間都見唔有少客人到訪

💟 位置就算係屯門友都唔算方便，對於要專登入屯門試嘅朋友嚟講可能吸引力比較低

💟 店內日式禪風裝修，俾到一種非常舒適嘅感覺，本身去之前有留意到呢個cafe同「禪」有少少關係，本身以為可能喺成個光顧體驗入面會有少少同禪有關嘅元素，例如打坐1分鐘後先享用嘢食(9up😂)，或者有張小卡片介紹有關「禪」嘅嘢，但係原來無呢個環節😂😂

💟 雖然覺得地理位置，價錢都未必算係好理想，但係推薦4粒星嘅原因有一部份係希望有更多人會去支持唔同嘅小店，俾更多機會唔同嘅店主

📍 Kaffee Jen

地址：屯門建發里4號3號舖地下