[香港/大角咀] 浮生若夢 日系文青悠閒cafe 浮生

推薦：🍉🍉🍉 (3/5)                      味道：🍉🍉🍉🍉  (4/5)           

價錢：🍉🍉 (2/5)                           打卡：🍉🍉🍉  (3/5)                       

位置：🍉🍉🍉 (3/5)                      回訪：🍉🍉🍉 (3/5)        

定食 (和風牛肉&骨附腸&和風豆腐) $78

牛肉偏少同多脂肪🙈牛肉汁唔夠，飯量好多，相比之下牛肉汁唔太夠撈飯食，反而和風豆腐就有好多芝麻醬，嚿豆腐分開幾份嚟食都可以點到每份都係芝麻醬😋骨附腸其實就係想模仿雞脾嘅腸，煎得幾香口，無乜額外調味，淨係條腸本身已經好夠味，如果有提供茄汁/蜜糖芥末醬呢啲option就更好😋整體嚟講性價比唔太高🙈

黑芝麻牛乳雞肉冷烏冬 $68 🍉🍉🍉🍉

平時冷烏冬會配芝麻醬，咁黑芝麻醬又會點呢😋黑芝麻牛乳醬同平時現成飲到嘅黑芝麻豆漿差唔多味，牛乳味唔算好出，同烏冬唔算好夾，不過以前未試過，叫做好新穎咁😂如果有得選擇我都會選擇番正常芝麻醬😂😂雞排有4件，燒得幾香，份量都足夠，不過面頭搽嘅照燒醬可以多少少，雞肉就算有雞皮都唔會有好多脂肪👍烏冬係薄嘅幼烏冬，雖然薄，但係都唔會煮到淋哂，食落口滑得嚟有少少咬口，好好食😋

鮮奶抹茶 $48 🍉🍉🍉

一嚟到之後飲第一啖因為抹茶都係面，所以會飲到超濃郁茶香，但係無乜回甘，過咗一陣就會有啲茶粉未溶哂咁沉落底，溝埋奶之後成杯飲品就變得好淡抹茶味，有啲可惜，不過好適合打卡

後記

💟 本身想試吓佢哋嘅掛耳咖啡包，可惜當日已經賣哂，試唔到😭

💟 如果叫定食/嘢食都有跟餐飲品就好啦，衣家嘢飲要單叫，連埋嘢食就有啲太貴🙈

💟 再去嘅話希望試到佢哋嘅蛋糕!!😍

📍 浮生

地址：大角咀晏架街8號地舖